Оқушылар арасында «Салауатты өмір салты – әркімнің таңдауы» тақырыбында түсіндірме жұмысы жүргізілді.

Іс-шара барысында оқушыларға денсаулықты сақтаудың маңыздылығы, дұрыс тамақтану, спортпен шұғылдану, күн тәртібін сақтау және жеке бас гигиенасы туралы түсінік берілді. Сонымен қатар темекі шегу, алкоголь және басқа да зиянды әдеттердің адам ағзасына тигізетін кері әсері түсіндірілді.

Оқушылар салауатты өмір салтын ұстану – әр адамның өз қолындағы таңдау екенін түсініп, өз денсаулығына жауапкершілікпен қараудың маңыздылығын талқылады.

Денсаулық – баға жетпес байлық! Салауатты өмір салтын таңдайық!